|
 Бухоро вилояти Ўзбекистоннинг жануби-гарбида жойлашган. Кизилкум чўли Бухоро вилояти худудининг катта кисмини эгаллайди. Вилоятнинг умумий майдони –
39 400 квадрат километр. Вилоят туб континентал, курук иклимга эга. Вилоят ахолиси тахминан 1 543,9 минг кишига тенг, шундан карийб 68 фоизи кишлок жойларида, 32 фоизи шахарларда яшайди. Вилоят 11 маъмурий туманлардан иборат. Вилоятнинг маъмурий маркази – Бухоро шахри бўлиб, унинг ахолиси тахминан 263 400 кишидир. Вилоятнинг бошка йирик шахарлари – Гиждувон, Ромитан ва Когондир.
Бухоро вилояти Абу Али ибн Сино, Имом ал-Бухорий, Абдухолик Гиждувоний, Бахоуддин Накшбандий, Нажмиддин Кубро каби жахон цивилизациясига улкан хисса кўшган минглаб алломаларнинг ватани хисобланади. Биргина Бухоронинг ўзида 7000 дан ортик авлиёлар яшаб ўтган. Ислом ахли ўртасида Бухоро вилояти худудида жойлашган оламга машхур “Етти пир”нинг кадамжоларини зиёрат килиш мукаддас хаж зиёратига тенглаштирилган.
 Кадимий Буюк Ипак йўли Бухоро вилояти оркали ўтган ва бу Шариф шахар илм-фан, хунармандчилик, савдо ва Ислом дини маданиятининг йирик марказларидан бири бўлган. Бухоро 2500 йилликдан ортик бой тарихга эга.
Бухоро вилояти худудида жуда кўплаб бетакрор кадимий обидалар сакланиб колган бўлиб, мустакиллик йилларида улар обод ва гўзал зиёратгохларга айлантирилган. Ана шундай тарихий обидаларнинг 2000 дан ортиги ЮНЕСКО ташкилотининг мухофазасига олинган. Вилоятнинг бой маданий меъроси минг йиллар давомида бутун дунёни ўзига ром этиб келган. Вилоятда 20 дан ортик сайёхлик компаниялари хамда 50 дан ортик замонавий мехмонхоналар фаолият олиб бормокда.
 Бугунги кунда хам Бухоро вилояти Ўзбекистон Республикасининг илм-фан, хунармандчилик, маънавият ва сайёхлик марказларидан бири хисобланади. Бухоро вилояти ахолисининг илмий салохияти, маънавий етуклиги хамда мехнатсеварлигига кўра Республикада энг олдинги ўринларда туради.
Вилоят худудида табиий газ, нефт, графит, бетонит, мармар, гранит, гипс, олтингугурт, охак ва бошка курилиш моллари учун хом ашёнинг бой конлари ўрганилган.
Энг фаол саноат йуналишлари пахта тозалаш, тўкимачилик ва ипакчилик саноатидир. Каштачилик, кулолчилик ва ганжкорлик сингари анъанавий ўзбек хунармандчилиги кайта тикланган. Кандим, Оккум, Парсонкўл худудларида нефт, табиий газнинг катта захираси мавжуд, тахминий нефт захираси хажми 10 миллион тонна, табиий газ хажми 220 миллиард куб метрдир. Вилоят худудидаги энг йирик, замонавий, Республика ахамиятига эга бўлган саноат корхоналаридан бири “Коровулбозор нефтни кайта ишлаш заводи” ушбу захиралар асосида ишлайди.
Бухоро шахри коракўл терисини кайта ишлаш, дурадгорлик, ёгоч ўймакорлиги, заргарлик, мисгарлик, нафис санъат намуналарини яратиш, шунингдек ривожланган озик-овкат саноатига эга.
Энг асосий кишлок хўжалиги махсулотлари – пахта, бугдой, коракўл тери ва табиий ипакдир. Кишлок хўжалиги фаолияти вилоятнинг факат сугориладиган ерларида олиб борилади.
Вилоятда тадбиркорлик ва хусусий бизнесни ривожлантириш дастурига кўра ипакчилик саноатини кайта жихозлаш, курилиш материаллари саноатини хамда коммуникация инфратузилмасини ривожлантириш, кишлок хўжалиги махсулотлари ишлаб чикаришни янада яхшилаш ва уларнинг кайта ишланишини ривожлантириш, хизмат кўрсатувчи сектор хамда сайёхликни ривожлантиришга катта эътибор каратилган.
 Бухоро шахридаги халкаро аэропорт, замонавий коммуникация тизимлари, халкаро даражадаги мехмонхоналардаги кулайликлар, гўзал ва бетакрор тарихий обидалар, мехмондўст, соддадил ва самимий инсонлар сайёрлар калбида абадий мухрланиб колади. |
Янгиликлар 
На русском
English version
